fotos gevlekte of gespikkeld aalwyne sonder 'n stam saad

Gevlekte of gespikkeld aalwyne sonder 'n stam

Fotos van gevlekte of gespikkelde aalwyne. Hierdie aalwyne gee 'n indrukwekkende vertoning in die tuin al is hulle nie in blom nie. Die kleiner soorte maak 'n doeltreffende rand om die beddings of paadjies.

Aalwyne benodig nie baie grond om die wortels nie en kan dus baie maklik groei in enige pot of houer, in die huis of in die tuin.

Spaar water deur 'n aalwyntuin aan te plant vir saad kliek hier

Aloe affinis	Die spikkels op die blare varieer meer of minder. blomme is relatief groot en dig op die blaarsteel wat aanhou groei soos nuwe blomme oopmaak. Lang blomtyd. Hierdie aalwyn het water nodig in die somer in droë gebiede.
Aloe aristata	Reeds baie dekades 'n bekende aalwyn as potplant binnelands en oorsee. Min moeite en gehard in die tuin. Koelte is 'n vereiste in 'n warm klimaat. In die natuur groei hierdie aalwyntjie onder bossies.
A.buhrii	In 'n sonnige plek is die kleur van plant besonder mooi. A.buhri kom van droë habitat in die Noorkaap. Min water en goeie dreinasie in nat gebiede is noodsaaklik.

Aloe branddraaiensis	geharde aalwyn wat ook ryp kan oorleef. Die blomblomtrosse is klein maar talryk en helder gekleur.
Aloe camperi	Baie geharde tuin aalwynplant van Etiopia wat selfs in die dorre Namakaland sonder ekstra water groei. Blomtyd is somer.

Aloe dyeri	'n Groot blaarroset tot 2 meter deursnee. Habitat is onder bome, dus 'n goeie keuse vir plekke waar min ander plante groei. Die wydvertakte bloeiwyse is mooi in die tuin.
Aloe esculenta	Die blougroen - heldergroen rosette is nie so groot soos A.dyerii nie maar nogtans groot vir 'n gevlekte aalwyn. Die rosette deel in twee en vorm 'n groep. Die vlekke is duidelk aan albei kante van die blare. Hierdie aalwyn kom voor vanaf die Caprivi noordwaarts. Dit is dus nie sensitief teen water in die tuin nie, maar beskerm teen ryp.
Aloe framesii	Die blare is 'n donker blou-grys-groen met spikkels in jong plante. A. framesii maak uitlopers en vorm klein groepe. Winter reënval aalwyn, maar pas goed aan as die somers nie te nat is nie. Plant op klippe waar die klimaat nat is.
Aloe greenii	Mooi helder groen gevlekte aalwyn. Ongeveer 40 cm in deursnee. Blomme is ligpienk met 'n dowwe gepoeierde voorkoms.

Aloe maculata	'n geharde aalwyn tot 50cm deursnit. Kom voor in skakerings van oranje en geel. A. maculate het 'n wye verspreiding. Die blomme verskil heewat en is meestal kleiner as op die foto. Die jel van hierdie aalwyn is baie goed op die vel.
Aloe microstigma	Aantreklike plant met fyn spikkels en 'n groot digte blomtros. Blomme is oranje wat oorgaan na geel of geel. Ryp bestand. Habitat is die Karoo so hou by min water.
Aloe petricola	Blou netjiese plant met lang blomtrosse. Die skakeer van lig na donker op die blomtros is treffend. Hierdie aalwyn maak besondere mooi kruisings.
Aloe petrophila	Die roset is kleiner as 40 cm deursnit. Baie mooi blommetjies gestreep in pienk, ligpienk en groen. Groei maklik in die tuin maar sorg vir goeie dreinasie in hoë reënval gebiede.

Aloe mudenensis	Hierdie is 'n gemiddelde grootte aalwyn wat mooi vertoon in die tuin.
Aloe variegata	Die klein kanniedood aalwyntjie is 'n baie gewilde potplant oorsee. Die plant groei beter in 'n pot omdat dit vinniger uitdroog as in die tuin. Hierdie aalwyntjie het uiters min water nodig, of dan baie goei dreinering.
Aloe zebrina	Dit is nog 'n aalwyn van droë reënval gebiede soos Namibia en Noordkaap. Aloe zebrina is egter gehard en sal nie sommer vrot van 'n bietjie te veel water soos Aloe variegata nie.