tuin met aalwyne en ander vetplante in potte.

	menu

Maak 'n tuin met aalwyne en ander sukkulente vetplante in potte en spaar werk en water.

'n Aalwyntuin in potte .Daar is 'n hele paar voordele om in potte te plant - soos Die klimaat; waar rare plante geskuif moet word; min spasie; binnenshuis; water spaar; en eenvoudig omdat dit mooi is. Die grootste plesier van tuinmaak in houers is dat die eindresultaat gesien kan word en die rangskiking kan geskuif word totdat dit pas. Hier is fotos van 'n paar potplante in potte of houers net om 'n idee te kry. Elke persoon sal iets aan die rangskikkings kan en wil verander, dit maak die tuine soveel interessanter.

kliek op die fotos om dit te vergroot


Plaas altyd 'n klip in die drinkbak sodat klein diertjies nie daarin verdrink nie. Hierdie drinkbakkie is nie juis diep nie, die klip is meer 'n versiering.
Hierdie ontspanning en braai area vertoon vriendelik en rustigmaar ook interessant. Die aalwyn in die hoë vierkantige pot is in 'n ander kleiner pot geplant. Aalwyne wil nie 'n groot hoeveelheid grond om die wortels in 'n houer hê nie. Baie klippe met 'n klein bietjie grond vir vinnige dreinasie is noodsaaklik.


Die verskillende potte en kleure kombineer baie mooi met die houstomp en klip.
Op die foto regs vertoon die gewone vorm pot besonder goed deurdat dit nie die aandag aftrek van die plant rangskikking nie.


Hier is 'n aantal potte en houers met aalwyne en vetplante.
Die aalwyn in die pot regs is Aloe hardyi 'n aalwyn wat natuurlik van kraanse afhang. Hierdie aalwyn is besonder goed geskik vir hangmandjies. Die aalwyn groei na onder maar stuur die blom na bo.